NCC Thawhkehnak

2004 Febuary 5 ah Malaysia UNHCR Bawmhnak thawngin minung 58 cu Denmark khua: Grindsted, Ølgod le Skjern ah kan phan hna.

Kan nih Chin miphun cu kan tlawm kan tam ah si lo in khrihfa kan si bantuk in hmunkhat teah Pathian thangthat le biaknak kan ngei tawn hna. 2004 April 2 ah meeting khuakhannak kan ngei i khrihfabu kan dirh a hung si i a min ah Bethel tiah a min sak a si. Pathian lamhruainak thawng le Kommune riantuan tu hna bawmhnak thawngin Grindsted vokthahnak ah rian kan tuan hna. Sihmanhselaw ruahlo piin 29 September 2006 ah vokthahnak company cu an khar caah kommune Bawmhnak thawngin Nordjylland Sæby khua um Danish Crown Vokthah nak ah 2006 October (3) ah minung 60 cu kan runpi in kan van i thial hna. Pathian thawngin NordJylland chungah hin Brøndeslev, Nørage le Sæby khua ah kan Chin miphun cu minung 11 an rak um. Kan Miphun hawi le Sæby Baptist khrihfabu Pastor Bente le a hawi le nih lunglawm tein an rak kan don i Contact Family zong an kan pek cio hna. Kan hawi le micheu cu Sæby Baptist khrihfabu Member ah kan lut hna. Nordjylland i 2004 le 2005 novenber Sæby khua i a phan mi minung 5 hna cu December 24 ah tonnak an rak ngei i Nordjylland Chin Fellowship(NCF) an rak dirh. 24 December 2006 ah tlanglei i arak i thial mi hna he tonnak an ngei i Upa thimnak zong rak ngeih a si. 2006 December 31 ah zapi meeting tuah a si i NCF cu biaknak lei min a um lo caah Nordjylland Chin Christian Fellowship (NCCF) tiah a min thlen a si. Sæby Baptist Biakinn cu 07 Febuary 2007 in manlo tein hman hram kan thok i kum hnih cung cu a man pek lo tein hman a rak si. Cun Pathian lamhruainak thawngin Rev. Ceu Mang cu 26 Febuary 2009 ah a kan tlawng i Khrihfabu Puitling (Church) dirh a thatnak kong a kan cawnpiak hnu ah 28 Febuary 2009 ah rawlulh thlacamnak kan ngeih hna i 01 March 2009 ah General meeting kan tuah i Nordjylland Chin Christian Fellowship cu thahin Khrihfabu puitling(Church) dirh dingin kan lung a tling i Bu min a phunphun kan i thawhcio hna i vote tamcem a hmu mi Nordjylland Chin Church tiah tu chun ni tiang a min a putnak a si.

***********************************************

Hika tangah Nordjylland Chin Church kong tlamtling in rel khawh asi.